समाधान समाचार, टीकापुर २८ साउन/
टीकापुर साना शहरी खानेपानी उपभोक्ता तथा सरसफाई संस्थाको अध्यक्षमा नरेशकुमार खत्री विजयी भएका छन् । नयाँ नेतृत्व चयनका लागि भएको तेस्रो चुनावी साधारणसभाबाट खत्री १ हजार दुई सय पाँच मत ल्याएर विजयी भएका हुन । उनका निकटतम प्रतिद्वन्द्वि प्रकाशबहादुर बुढाथोकीले तीन सय ७२ मत प्राप्त गरेका छन् सचिवमा ७ सय २९ मत प्राप्त गरी मनिष बलाएर विजयी भएका छन् भने उहाँका प्रतिद्वन्द्वि चक्र तिमिल्सिनाले ७ सय एक मत पाएका छन् । कोषाध्यक्षमा ६ सय तीन मत प्राप्त गरी विश्राम थारु विजयी भएका छन् । उनका प्रतिद्वन्द्वि हिरासिंह विष्टले चार सय ७२ मत र मोतिसिंह खत्रिले तीन सय १४ मत पाएका छन् ।
यसैगरी सदस्यमा सरीता रावल थापा ९ सय ७३, खड्ग धामी ७ सय ७७, नवराज ठकुल्ला ६ सय ३४, भानुभक्त जैशी ६ सय ८६) र कृष्णीदेवि चौधरी ६ सय ५८ मत ल्याएर निर्वाचित भएको निर्वाचन अधिकृत काशीराम ढुंगानाले जानकारी दिएका छन् । ९ सदस्यीय कार्यसमितिको उपाध्यक्षमा सिर्जना शर्मा पण्डित यस अघि नै निर्विरोध निर्वाचित भैसकेकी छिन । ३ वर्षे नयाँ कार्यसमिति चयनका लागी हिजो भएको मतदानमा २ हजार २६८ मत खसेको थियो ।
खानेपानीको अध्यक्षमा खत्री विजयी
