जनप्रतिनिधिले गरे पदभार ग्रहण

शेयेर गर्नुहोस

समाधान समाचार, टीकापुर १२ जेठ/
टिकापुर नगरपालिका वडा वडा नं. ७ का नवनिर्वाचित अध्यक्ष यज्ञ न्याैपाने सहित वडा सदस्यले पदभार ग्रहण गरेका छन् ।
यही वैशाख ३० गते सम्पन्न स्थानीय तहको माओवादी केन्द्रको तर्फबाट विजयी भएका न्याैपाने सहित निर्वाचित पदाधिकारीले बुधवार पदभार ग्रहण गरेका हुन
पदभार ग्रहण पछि टिकापुर नं. ७ मा रहेको भानु सामुदायिक पुस्तकालयको सभा हलमा बधाई ज्ञापन कार्यक्रममा वडा नं. ७ का वडा अध्यक्ष यज्ञ न्याैपाने महिला सदस्य कैलापति चौधरी, दलित महिला सदस्यमा आइतिदेवि सुनार , अभिमन्यु चौधरी र राजकुमार चाैधरिले संयुक्त रूपमा पदभार ग्रहण गरेका हुन ।
पदभार ग्रहण कार्यक्रममा गत स्थानीय चुनावमा वडानं. ७ बाट वडा अध्यक्ष पदका उम्मेदवार नरेश्वर धमाला, हरि कुमार कार्की ,सामाजिक अगुवा धर्म घर्ती , मनिराम ढुंगाना, नन्द बाेहरा र हेमराज भट्टराईले मन्तव्य राखेका थिए भने कार्यक्रम सञ्चालन भिम विकले गरेका थिए । कार्यक्रमका वक्ताहरुले जनताले मत दिएर जितेको अब वडाको विकास गरेर जनताको मन जित्नुपर्ने सुझाव दिएका थिए ।
त्यसैगरी टीकापुर नगरपालिका वडा नं. ८ का वडा अध्यक्ष दिर्घबहादुर ठकुल्लाले पनि बुधबार पदभार ग्रहण गरेका छन् । नेकपा माओवादी केन्द्रबाट विजयी भएका ठकुल्ला सहित निर्वाचित वडा सदस्यहरुले पनि पदभार ग्रहण गरेका छन् । टीकापुर नगरपालिका वडा नं. ९ का वडा अध्यक्ष लौटन चौधरी लगायत वडा सदस्यहरुले पनि बुधबार नै पदभार ग्रहण गरेका छन् ।