समाधान समाचार, भजनी २१ असार /
भजनी नगरपालिकाको सार्वजनिक सुनुवाइ कार्यक्रम सोमबार सम्पन्न भएको छ ।
भजनी नगरपालिकाको आयोजना, प्रादेशिक सुशासन केन्द्रको आर्थिक सहयोग र नेपाल पत्रकार महासंघ कैलालीको समन्वयमा भएको सार्वजनिक सुनुवाइ कार्यक्रममा नगरपालिकाको विकास, सुशासन र सेवाग्राहीहरुको सेवा प्रवाहको विषयमा प्रश्न गरेका थिए ।
नगरपालिकाका विषयगत शाखाका प्रमुखहरुले नगरपालिकाको बस्तु स्थितिको बारेमा सहभागीहरुलाई जानकारी दिएका थिए । नगरपालिकाका नगर प्रमुख चौधरीको अध्यक्षतामा भएको कार्यक्रममा नगर उपप्रमुख राजु तिरुवा, प्रमुख प्रशासकीय अधिकृत सुर्यबहादुर सिंह, वडा अध्यक्ष, नगरपालिका मातहतका कर्मचारी, राजनीतिक दलका प्रतिनिधि, सरोकारवालाहरुको सहभागिता रहेको थियो ।
सार्वजनिक सुनुवाइ कार्यक्रममा नगर प्रमुख चौधरीले कार्यालयको सार्वजनिक सुनुवाइ कार्यक्रम नागरिकहरूका सुझाव तथा गुनासोहरु सुन्नको लागि महत्त्वपूर्ण भएको बताउँदै त्यसबाट थुप्रै कुराको सिकाई हुने र भएका कमि कमजोरीहरुलाई सुधार गरेर अगाडि बढ्न सहज हुने बताएका छन् । एकिन्द्र तिमिल्सिनाले सहजीकरण गरेको कार्यक्रममा पत्रकार जयबहादुर बुढा र डम्बर बिष्ट टिप्पणी कर्ताको रुपमा रहेका थिए ।
