समाधान समाचार, टीकापुर ३० साउन /
नेपाल रेडक्रस सोसाइटी उपशाखा टीकापुरको सभापतिमा दत्तबहादुर बिष्ट चयन भएका छन् ।
आइतबार भएको सहमति अनुसार सभापतिमा दत्तबहादुर बिष्ट सभापतिमा निर्विरोध चयन भएका हुन । त्यस्तै उपसभापतिमा मीना कुँवर, सचिवमा धर्मराज शर्मा, कोषाध्यक्षमा लालबहादुर रावल र उपसचिवमा टेकराज बिनाडी निर्विरोध चयन भएको नवनिर्वाचित सचिव शर्माले जानकारी दिएका छन् । त्यस्तै एक महिला सदस्यमा सिलु खतिवडा निर्विरोध चयन भएकी छन ।
सचिव शर्माका अनुसार उपकोषाध्यक्ष र चार सदस्य पदमा भने आवश्यक भन्दा बढी व्यक्तिको उम्मेदवारी दर्ता भएको छ । उपकोषाध्यक्षमा सञ्जय भण्डारी र अमर रावलको उम्मेदवारी दर्ता भएको छ । चार सदस्य पदमा नवराज साउँद, युवराज शर्मा, प्रेम विक, हरिराम चौधरी, नारायण न्यौपाने र चेतन रावलको उम्मेदवारी परेको छ । उपकोषाध्यक्ष र सदस्यमा समेत सहमति हुन नसक्दा आज निर्वाचन हुने भएको छ ।
