एक बर्ष पछि प्रमुख प्रशासकीय अधिकृत

शेयेर गर्नुहोस

समाधान समाचार,
टीकापुर २५ भाद्र/ लम्कीचुहा नगरपालिकामा प्रमुख प्रशासकीय अधिकृतको रुपमा धर्मराज विनाडी सरुवा भई आएका छन् ।
सुदूरपश्चिम प्रदेश उद्योग वन पर्यटन तथा वातावरण मन्त्रालयमा कार्यरत नेपाल सरकारका उपसचिव बिनाडी लम्कीचुहा नगरपालिकामा आएका हुन् । प्रमुख प्रशासकीय अधिकृत विनाडीले बिहीबारदेखि नै जिम्मेबारी सम्हालेका छन् । बिगत एक वर्षदेखि लम्कीचुहा नगरपालिका निमित्त प्रमुख प्रशासकीय अधिकृतको भरमा चल्दै आएको थियो । एक वर्षअघि प्रमुख प्रशासकीय अधिकृतको रुपमा लम्कीचुहा नगरपालिकामा कार्यरत कृष्णबहादुर खड्काको सरुवा भएपछि निमित्तको जिम्मेवारी लम्कीचुहा नगरपालिकाको कृषि शाखामा कार्यरत वागबानी बिकास अधिकृत बिक्रम चौधरीले सम्हालेका थिए । विनाडीको नगर प्रमुख महादेव बजगाई, उप–प्रमुख टीका थापाले नगरपालिकामा स्वागत गरेका छन् ।