टीकापुर २५ पुस /
टीकापुर जेसीजको २७ औं पदस्थापन तथा पुरस्कार वितरण कार्यक्रम बुधबार सम्पन्न भएको छ ।
टीकापुर जेसीज २०२३ का अध्यक्ष बलराम चौधरीको अध्यक्षतामा भएको कार्यक्रममा नेपाल जेसीज वर्ष २०२४ का अध्यक्ष रविन पोख्रेलले नेपाल जेसीजलाई थप उचाईमा पुर्याउन टीकापुर जेसीजको भुमिका पनि महत्त्वपूर्ण रहेको बताएका छन् । उनले सबै जेसीजमा आबद्ध युवाहरूकै कारण २०२४ को नेतृत्वमा आएको बताउँदै एक वर्षको कार्यकालमा केही नयाँ र फरक गर्ने योजना रहेको पनि बताएका छन् ।
कार्यक्रममा टीकापुर जेसीजका पुर्व अध्यक्ष गणेश साउँद, तपेन्द स्वाँर, लक्ष्मण थापा लगायतले मन्तव्य राखेका थिए । कार्यकारिणी उपाध्यक्ष भरत भण्डारीले सञ्चालन गरेको कार्यक्रमको स्वागत उपाध्यक्ष झलनाथ खनालले गरेका थिए। सोही कार्यक्रममा सन २०२४ का लागि निर्वाचित जेसीजका पदाधिकारीहरुको सपथ ग्रहण सहित पदस्थापन गरिएको छ । अध्यक्षमा निर्वाचित रुपक बहादुर विष्ट लगायतका पदाधिकारीको पदस्थापन भएको हो । वर्ष २०२३ का अध्यक्ष बलराम चौधरीले चेन हस्तान्तरण गर्दै विष्टलाई नेतृत्व हस्तान्तरण गरेका थिए ।
टीकापुर जेसीजको पदस्थापन
