टीकापुर ०२ मंसिर /
जानकी गाउँपालिका स्तरीय रास्ट्रपति रनिङ शिल्ड प्रतियोगिता शनिबार सम्पन्न भएको छ ।
कार्तिक २६ गतेबाट सुरु भएको गाउँपालिका स्तरीय राष्ट्रपति रनिङ शिल्ड प्रतियोगिता सम्पन्न भएको हो । गाउँपालिकाका सामाजिक विकास समिती संयोजक कमल महतोको अध्यक्षतामा भएको थियो । प्रतियोगितामा हिमालय राष्ट्रिय माद्यामिक बिधालय १८ गोल्ड सहित प्रथम भएको छ । त्यसैगरी अरुणोदय माद्यामिक बिधालय खैरिफाँटा माद्यामिक बिधालय १४ गोल्ड सहित दोस्रो हुँदा ४ गोल्ड सहित आदर्श बालबिकास एकाडेमी तेस्रो भएको छ ।
तहगतमा आधारभूत तहको कक्षा एक देखि ५ सम्मका लागि भएका सात खेलमा शिव बाबा बोर्डिङ स्कुल दुर्गौली प्रथम भएको छ । अरुणोदय माद्यामिक बिधालय खैरिफाँटा दोस्रो हुँदा हिमाल राष्ट्रिय माद्यामिक बिधालय अमरावती र राष्ट्रिय आधारभुत बिधालय गोलौरी तेस्रो भएका छन् । आधारभूत तहकै कक्षा ६ देखि ८ सम्मको खेलमा हिमालय राष्ट्रिय माद्यामिक बिधालय अमरावती प्रथम भएको छ भने, आदर्श बालबिकास एकेडेमी दोस्रो भएको छ । त्यसैगरी अरुणोदय माद्यामिक बिधालय खैरिफाँटाले तेस्रो स्थान हासिल गरेको छ । जहाँ १२ खेलमा प्रतिस्पर्धा गराइएको थियो ।
त्यसैगरी माद्यामिक तह तर्फ हिमाल माद्यामिक बिधालय अमरावती प्रथम भएको छ । प्रतियोगितामा अरुणोदय माद्यामिक बिधालय दोस्रो हुँदा जनता नमुना माद्यामिक बिधालय मुनुवा तेस्रो भएको छ । भलिबल प्रतियोगितामा माद्यामिक तह छात्रतर्फ हिमालय राष्ट्रिय माद्यामिक बिधालय प्रथम, अरुणोदय माद्यामिक बिधालय दोस्रो र महेन्द्र शिशु माद्यामिक बिधालय तेस्रो भएका छन् । छात्रातर्फ जनता नमुना माद्यामिक बिधालय प्रथम, हिमालय राष्ट्रिय माद्यामिक बिधालय दोस्रो र मोति माद्यामिक बिधालय तेस्रो भएका छन् ।
आधारभुत तह कक्षा ६ देखि ८ को भलिबल प्रतियोगितामा छात्रतर्फ बाल बिद्या मन्दिर प्रथम, भृकुटी माद्यामिक बिधालय दोस्रो र अरुणोदय माद्यामिक बिधालय तेस्रो भएको छ । गाउँपालिकाका अध्यक्ष गणेश चौधरीको प्रमुख आतिथ्यतामा भएको समापन कार्यक्रममा जोशीपुर गाउँपालिकाका अध्यक्ष चित्रबहादुर चौधरी, भजनी नगरपालिकाका नगर उपप्रमुख राजु तिरुवा लगायतको उपस्थिति रहेको थियो । गाउँपालिकाको शिक्षा युवा तथा खेलकुद शाखाको आयोजनामा भएको समापन कार्यक्रमको धन्यवाद मन्तव्य शिक्षा शाखा प्रमुख धर्मानन्द कपाडीले गरेका थिए भने कार्यक्रमको सञ्चालन प्राविधिक सहायक शंकर न्यौपानेले गरेका थिए ।
जानकी गाउँपालिका स्तरीय राष्ट्रपति रनिङ शिल्ड प्रतियोगिताको अवसरमा आयोजना गरिएको पालिआ स्तरीय कर्मचारी तथा जनप्रतिनिधिहरु बिचको मैत्रीपुर्ण फुटबल प्रतियोगितामा सहभागी भजनी नगरपालिकाको र जोशीपुर गाउँपालिका बीच भएको खेलमा जोशीपुर गाउँपालिकाले जित हासिल गरेको छ । गाउँपालिका वडा नं. ६ का वडा अध्यक्ष भोजराज डगौरा थारुले दुई गोल हान्दै टिमलाई जित दिलाए भने भजनी नगरपालिकाका जितराम राजीले एक गोल हाने पनि टिमलाई जित दिलाउन सकेनन् । बिजेता टिमलाई जानकी गाउँपालिकाले खसी उपहार प्रदान गरेको छ ।
राष्ट्रपति रनिङ शिल्ड प्रतियोगिता सम्पन्न
