टीकापुर २३ असोज /
रसुवा भोटेकोसीको विनाशकारी बाढीबाट प्रभावित टीकापुर नगरपालिका वडा नं. ५ का ५ परिवार र टीकापुर नगरपालिका वडा नं. १ ज्योतिनगरका दुई परिवारलाई राहत सामग्री वितरण गरिएको छ।
टीकापुर नगरपालिका वडा नं. ६ स्थित नारायणपुर वडास्तरीय टोल विकास संस्था सञ्जालअन्तर्गतका ९ वटा टोलको सहयोगमा सञ्जालकी अध्यक्ष आशा कुश्मीको संयोजकत्वमा प्रतिपरिवार एक क्विन्टल चामल, ५ केजी नुन र ५ लिटर तेल लगायतका सामग्री वितरण गरिएको हो ।
कार्यक्रममा वडा नं. ५ का वडाध्यक्ष बलवीर चौधरी तथा सहकर्मी समाज टीकापुरका सामुदायिक प्रशिक्षक करुणा कोइराला र अनुप चौधरीको उपस्थिति रहेको थियो ।
