टीकापुर ०४ कार्तिक /
टीकापुर युवा क्लबले आयोजनामा खुल्ला पुरुष क्रिकेट प्रतियोगिताको शनिबारबाट सुरु भएको छ ।
युवालाई राष्ट्रिय स्तर खेलहरुमा जोड्नको लागि र लागुऔषधमा फसेका युवाहरुलाई मानसिक र शारिरिक रुपमा तन्दुरुस्त राख्ने उद्देश्यका साथ क्रिकेट प्रतियोगिता सुरु भएको हो । प्रतियोगिताको उद्घाटन कार्यक्रममा टीकापुर युवा क्लबका अध्यक्ष तपेन्द्र कुँवर, पुर्व खेलाडी समाजसेवी लागुऔषध विरुद्धका अभियान्ता कल्पेश कुँवर, फुटबल खेलाडि गजेन्द्र शाही , स्वतन्त्र विद्यार्थी युनियन विरेन्द्र बिद्या मन्दिर क्याम्पसका स्ववियु सभापति नविन अधिकारी, युवा उमेश नाथ लगायतको सहभागीता रहेको थियो ।
युवा सामाजिक अभियन्ता सागर शाहले स्वागत मन्तव्य राखेको कार्यक्रमको सञ्चालन स्वतन्त्र विद्यार्थी युनियन टीकापुर बहुमुखी क्याम्पसका स्ववियु सभापति नृप जंग थापाले गरेका थिए । प्रतियोगितामा २५ टिमको सहभागिता रहेको आयोजकले जनाएको छ । प्रतियोगिताको विजेता टिमले एक लाख एघार हजार एक सय ११ रुपैयाँ नगद र उपविजेताले ५१ हजार सहित ट्रफी, मेडल र प्रमाणपत्र प्राप्त गर्नेछन् । त्यस्तै बेष्ट बलरले ८ हजार,वेष्ट ब्याट्सम्यानले ८ हजार र बेस्ट पिलेर अफ टुर्नामेन्टलाई १० हजार नगद प्रदान गरिने आयोजकले जनाएको छ ।
खुला पुरुष क्रिकेट प्रतियोगिता सुरु
