समाधान समाचार, टीकापुर २६ जेठ /
बाल कल्याण संघ टीकापुर र वर्ल्ड भिजन ईन्टरनेशनल नेपालको संयुक्त साझेदारीमा संचालित कोभिड-१९ प्रतिकार्य सबलिकरण परियोजना अन्तर्गत आज टीकापुर नगरपालिकालाई १ थान ILR Freezer हस्तान्तरण गरिएको छ। आज आयोजित एक कार्यक्रमका बिच पालिकालाई उक्त फ्रिजर हस्तान्तरण गरेको हो। उक्त कार्यक्रममा वर्ल्ड भिजन ईन्टरनेशनल नेपाल पश्चिम फिल्ड कार्यलयका प्रबन्धक चेतराज भट्टराई, वर्ल्ड भिजनकै तर्फबाट शुसान्त बुद्धाचार्य, बाल कल्याण संघ टीकापुरबाट कार्यक्रम प्रबन्धक सुगम रेग्मि, नारी परियोजना संयोजक केशबराज जोशि र टीकापुर नगरपालिका स्वास्थ्य शाखा प्रमुख बल बहादुर रावलको उपस्थिति रहेको थियो। टीकापुर नगरपालिकाले कोल्डस्टोर स्थापना गर्न गैरहेको र उक्त फ्रिजर उपयोगि रहने जानकारी गराउनु भयो ।
बाल कल्याण संघ टीकापुर र वर्ल्ड भिजन ईन्टरनेशनल नेपालको संयुक्त साझेदारीमा संचालित कोभिड-१९ प्रतिकार्य सबलिकरण परियोजनाद्वारा पालिका मातहतका बिभिन्न स्वास्थ्य संस्थाहरुमा बिभिन्न सामग्रिहरु सहयोग गर्दै आईरहेको छ।
टीकापुर नगरपालिकालाई ILR Freezer हस्तान्तरण
