प्रथम नगरपालिकास्तरिय मेयर कप सुरु

शेयेर गर्नुहोस

भजनी २६ मंसिर /
भजनी नगरपालिका शिक्षा, युवा तथा खेलकुद शाखाको आयोजनामा प्रथम भजनी नगरपालिका स्तरीय मेयर कप अन्तर विद्यालय खेलकुद प्रतियोगिता सुरु भएको छ।
भजनी नगरपालिकाका नगर प्रमुख केवल चौधरीको।अध्यक्षमा भएको मेयर कप प्रतियोगिता कार्यक्रमको।कैलाली जिल्ला क्षेत्र नं.३ का प्रतिनिधि सभा सदस्य गंगा चौधरीले उद्घाटन गरेका छ। कार्यक्रममा कैलाली क्षेत्र नं. ३ प्रदेश क का प्रदेश सभा सदस्य घनश्याम चौधरी, क्षेत्र नं. १ प्रदेश क का प्रदेश सभा सदस्य कैलाश चौधरी, भजनी नगरपालिकाका उप-प्रमुख राजु तिरुवा, वडा नं.६ का वडाअध्यक्ष राम सागर चौधरी, ,वडा नं.९ का वडाअध्यक्ष सन्जिब चौधरी, प्रमुख प्रशासकिय अधिकृत नोखी राम ओलि लगायतको उद्घाटन कार्यक्रममा सहभागिता रहेको थियो ।
प्रतियोगिता २०६४ सालदेखि विद्यालय स्रोत केन्द्रको पहलमा हुँदै आएको थियो । यसवर्ष देखि नगरपालिकाले प्रथम भजनी नगरपालिका स्तरीय मेयर कप अन्तर विद्यालय खेलकुद प्रतियोगिताको रुपका कार्यक्रम सुरु गरेको नगर प्रमुख केवल चौधरीले बताएका छन् । यस प्रतियोगितामा आधारभूत र माध्यमिक तह तर्फका विद्यालयले सहभागिता जनाएका छन । कार्यक्रममा सरकारी, संस्थागत गरी जम्मा ५४ विद्यालयले सहभागिता जनाएका छन।