बिरेन्द्र क्याम्पसको स्ववियु सभापतिमा नवीन संज्याल सिफारिस

शेयेर गर्नुहोस

टीकापुर २२ फागुन /
नेकपा माओवादी केन्द्र निकट अखिल क्रान्तिकारी बिद्यार्थी संगठनले स्वतन्त्र बिद्यार्थी युनियन (स्ववियु) निर्वाचनका लागि टीकापुर स्थिति बिरेन्द्र बिध्यामन्दिर क्याम्पसमा नवीन संज्यालको नेतृत्वमा चुनाव लड्ने निर्णय गरेको छ ।
क्याम्पसका इकाई कमिटी अध्यक्ष समेत रहेका संज्याललाई सभापतिको उम्मेदवार बनाइएको बताइएको छ । उम्मेदवार घोषणा कार्यक्रममा नेकपा माओवादी केन्द्रका केन्द्रिय सदस्य नेपबहादुर चौधरीले स्वतन्त्र बिद्यार्थी युनियनको निर्वाचनको सुरुवात ठुलो बलिदानीबाट प्राप्त उपलब्धि भएको बताउँदै त्यसलाई संस्थागत गर्दै बिद्यार्थीहरुको पक्षमा उभिने संगठन अखिल क्रान्तिकारी नै भएको बताएका छन् । चौधरीले बिद्यार्थी नेता बिद्यार्थीको माझमा सधै साझा भएर उभिनुपर्ने बताउँदै उपलब्धिका लागि कोहि कसैको भावनामा डुबेर नहुने बताएका छन् ।
कार्यक्रममा पार्टीका कैलाली जिल्ला इन्चार्ज हरि ज्ञवालीले यतिबेला पार्टीको ध्यान पनि स्ववियु निर्वाचनमा केन्द्रित भएको भन्दै सबैलाई डटेर लाग्न आग्रह गरेका छन् । उनले राष्ट्रिय तथा अन्तरास्ट्रिय शक्ति माओवादी केन्द्रलाई सिध्याउन तिर लागेको भन्दै यो अवस्थामा चुनाव जित्न सहज नभएको बताए । बिद्यार्थीहरुका एजेण्डालाई स्थापित हुने गरि बिद्यार्थी संगठन र पार्टी पंक्ति लाग्नुपर्ने बताउँदै चुनाव जित्नु पहिलो लक्ष्य बनाएर अगाडि बढ्न आग्रह गरे ।
कार्यक्रममा माओवादी केन्द्र टीकापुर नगर वरिष्ठ उपाध्यक्ष दिर्घ ठकुल्लाले बिरेन्द्र क्याम्पसको वस्तुस्थिति हेर्दा अप्ठ्यारो स्थिति नरहेको बताएका छन् । उनले क्रान्तिकारी बिद्यार्थी संगठन प्रती बिद्यार्थीहरुको लगाव राम्रो रहेको बताउँदै चुनाव जित्न सक्ने आधारहरू रहेको बताए । उनले क्याम्पसका समस्यहरु समाधानका लागि संगठनले गरेको कामको प्रशंसा समेत गरे ।
अखिल क्रान्तिकारीले टीकापुर बहुमुखी क्याम्पसको स्ववियु सभापतिको उम्मेदवारमा भुपेन्द्र रावलको नाम यसअघि नै सार्वजनिक गरिसकेको छ ।