समाधान समाचार
टीकापुर ०७फागुन / सिर्जनशील युवा समाज नेपालको गुडिमुन्टे जोडीको समुह र नैना ग्यास ट्रेडसको संयुक्त आयोजनामा सुरु भएको राष्ट्रव्यापी खुला पुरुष भलिबल प्रतियोगिताको फाइनलमा एलवाइसि अतरिया र देउवा होटेल एण्ड तुम्बा बार खैरेनी आज भिड्ने भएका छन ।
बुधबार अतरियाले सशस्त्र प्रहरी बल तालिम शिक्षालय टीकापुरलाई सोझो तीन सेटमा हराउदै आफ्नो फाइनलको यात्रा तय गरेको हो भने खैरेनिले अल इन वान ईन्स्टिच्युट टीकापुरलाई हराउदै फाइनल पुगेको हो।
खैरेनी र अल इन वानले दुई दुई सेट आफ्नो हातमा पार्न सफल भएका थिए तर अन्तिम खेलमा अल इन वानलाई १३ का विरुद्ध १५ अंकले आफ्नो फाइनलको यात्रा खैरेनीले तय गरेको थियो । आजै तृतीय स्थानको लागि अल इन वान ईन्स्टिच्युट टीकापुर र सशस्त्र प्रहरी तालिम शिक्षालय टीकापुर बिच प्रतिस्पर्धा हुने छ भने प्रथम स्थानका लागि अतरिया र खैरेनि बिच प्रतिस्पर्धा हुने छ । खेलमा प्रथम हुने टीमले नगद पचास हजार, प्रमाणपत्र र ट्रफी प्राप्त गर्ने छन भने दोस्रो र तेस्रो हुने टीमले नगद बीस हजार नगद , प्रमाणपत्र र सात हजार नगद प्रमाणपत्र प्राप्त गर्ने छन ।
साथै समापन कार्यक्रममा गुडिमुन्टे जोडिको समुहको विविध सास्कृतिक कार्यक्रम समेत रहने जनाइएको छ ।
भलिबलको फाइनलमा आज एलवाइसी र देउवा होटेल भिड्ने
