व्यवसायी स्वाँरको म: म: हाउस

शेयेर गर्नुहोस

टीकापुर १४ मंसिर /
टीकापुरमा लामो समयदेखि व्यवसाय गर्दै आएका व्यवसायी तपेन्द्र स्वाँरले नयाँ व्यवसाय सुरु गरेका छन् ।
टीकापुर उद्योग वाणिज्य संघका पुर्व महासचिव समेत रहेका स्वाँरले टीकापुरमा म: म: हाउस सञ्चालनमा ल्याएका हुन । काठमाडौंको स्वादमा टीकापुरमा ग्राहकहरुलाई म: म: खुवाउने उद्देश्यका साथ म: म: हाउस सञ्चालनमा ल्याइएको उनले बताएका छन् । लामो ब्रविम ट्रेडस सञ्चालन गर्दै आएका स्वाँरले १३ वर्ष पहिले इलेक्ट्रोनिक पसलबाट व्यवसाय सुरु गरेका थिए । त्यसपछि उनले डिसहोमको आधिकारिक बिक्रेता भएर काम गरे भने मोबाइल डिलरको रुपमा पनि उनले काम गर्दै आएका छन् । स्वाँरले अहिके जैविक मलको बिक्रीवितरण समेत सुरु गरेको बताए ।
व्यवसायमा लामो अनुभव बटुलेका स्वाँरले देशको बिग्रदो परिस्थितिमा सफलता पछ्याउने काम जारी रहेको बताएका छन् । “व्यापारमा पहिले निकै सन्तुलन थियो । त्यो सन्तुलन जोगाउन निकै मुस्किल छ । आज त्यसैको परिणाम कैयौं व्यापारी विस्थापित भैसकेका छन् ।” उनले भने, “त्यहीँ सन्तुलन पछ्याउने क्रममा आज म: म: हाउस सञ्चालन गर्न पुगेको हु ।”
उनले देशको राजनीतिक अस्थिरताले लगानी गर्ने वातावरण नरहेको बताए । व्यवसायमा आउने हरेक चुनौतीलाई सामना गर्दै आशा रहेसम्म काम गर्ने बताए ।