टीकापुर १७ बैशाख /
सञ्चारकर्मी समुह टीकापुरको अध्यक्षमा पुनः दिपक थापा चयन भएका छन् ।
समुहको शनिबार भएको पाँचौ साधारणसभाले थापालाई पुनः अध्यक्षमा चयन गरेको हो । साधारण सभाले उपाध्यक्ष दुर्गा देवकोटा, सचिवमा ईश्वर साउँद, सहसचिवमा दिलबहादुर चौधरी, कोषाध्यक्षमा पुर्ण विकलाई निर्विरोध चयन गरेको छ । यस्तै सदस्यमा शेरबहादुर विष्ट र सिता खनाल चयन हुनु भएको छ ।
साधारणसभाको उदटन गर्दै जानकी गाउँपालिकाका अध्यक्ष गणेश चौधरीले पत्रकारहरुले व्यक्तिगत स्वार्थ भन्दा सामुहिक स्वार्थमा काम गर्दा राम्रो हुने बताएका छन् ।
उनले सञ्चारकर्मी समुहले अवका दिनमा पत्रकारिता प्रति नागरिकको लगाव कत्तिको छ भनि सोच्नु पर्ने अवस्था आएकाले यसले पत्रकारको क्षमता वृद्धि लगाएतका काम गर्नु पर्ने सुझाव दिदै त्यसमा आफ्नोतर्फबाट सक्दो सहयोग गर्ने बताएका छन् ।
टीकापुर नगरपालिका वडा नं. १ का वडाध्यक्ष मोहन विकले पत्रकारहरुले सरकारको प्रतिपक्षको भूमिका खेल्नु पर्ने बताउँदै सञ्चारकर्मी समुहले सामुदायिक रेडियो सञ्चालन गरिसकेको र अवका दिनमा टिभी लगाएतका कुराहरु आएकाले त्यसमा आफुले सक्दो सहयोग गर्ने बताएका छन् ।
सञ्चारकर्मी समुह टीकापुरका पूर्व अध्यक्ष दुर्गाप्रसाद भण्डारीले सञ्चारकर्मी समुहले एउटा रेडियो सञ्चालन गरिसकेको बताउँदै अव टेलिभिजन लगायत अनलाइन क्षेत्र तर्फ जानुपर्ने सुझाव दिएका छन् ।
सञ्चारकर्मी समुह टीकापुर पत्रकारहरुको एउटा विशुद्ध संस्था भएकाले म पत्रकारीतामै टीकेर काम गर्छु भन्नेलाई यस संस्थामा जोडेर लैजान सामुदायिक रेडियो टीकापुर एफएममा अध्यक्ष रंगप्रसाद अधिकारीले सुझाव दिएका छन् ।
दिपक थापाको अध्यक्षतामा भएको कार्यक्रममा स्वागत उपाध्यक्ष दुर्गा देवकोटाले गरेकी थिइन् भने सञ्चालन कोषाध्यक्ष पुर्ण विकले गरेका थिए ।
सञ्चारकर्मी समुहको अध्यक्षमा पुनः थापा
