खड्ग मेमोरियलको ३६ औं वार्षिकोत्सब

शेयेर गर्नुहोस

टीकापुर ०७ फागुन /
खड्ग मेमोरियल इङलिस बोर्डिङ स्कुलको ३६ औं वार्षिकोत्सब तथा अभिभावक दिवस सम्पन्न भएको छ ।
बिधालय व्यवस्थापन समितिका वरिष्ठ सदस्य यज्ञराज न्यौपानेको अध्यक्षतामा भएको वार्षिकोत्सब कार्यक्रममा सुदुरपश्चिम प्रदेश सांसद लक्ष्मण किशोर चौधरी रहेका थिए ।
कार्यक्रममा बिधालयका प्राचार्य हिरिण्ड राज शर्माले अभिभावक तथा बिधालय प्रती सधैं माया गर्नेहरुकै योगदानका कारण आज ३६ औं वार्षिकोत्सब मनाउन पाइएको बताएका छन् । उनले बिधालय प्रती सधैं यस्तै माया र सल्लाहको अपेक्षा समेत गरेका छन् । प्राचार्य शर्माले बिधालयमा शिक्षा र संस्कारलाई सँगसँगै अगाडि बढाइएको बताउँदै आगामी दिनमा पनि यो क्रमलाई थप मजबुत बनाउँदै लैजाने विश्वास व्यक्त गरेका छन् ।
बिधालयका शिक्षक राजेन्द्र चौधरीले स्वागत गरेको कार्यक्रमको सञ्चालन शिक्षक ध्रुव गुरुङले गरेका थिए । बिधालयको वार्षिकोत्सब समारोहको अवसरमा बिधालयको आन्तरिक प्रतिस्पर्धामा उत्कृष्ट प्रथम, दोस्रो र तेस्रो हुने बिद्यार्थीहरुलाई पुरस्कृत समेत गरेको थियो । बिधालयमा हाल करिब एक हजार दुई सय बिद्यार्थी अध्ययनरत रहेका छन् ।